AGAIN ...Jakarta 18 December 2007

Akhirnya ...... unda tepati janti unda gasan datang ke Jakarta, sekalian bedapatan lawan bubuhannya, sayang Ade lagi ke Samarinda dan Diding ada gawian yang kada kawa ditinggal, jadi cuma bedapat lawan Irfan dan Koko. Tgl 17 Dec unda sebujurnya sudah sampai, tapi lagi keuyuhan mana gasan persiapan 'perang' isuknya - cuma sempat tilpun Irfan. Nah isuknya tgl 18, habis urusan unda di TB Simatupang beres - langsung meluncur ke BRI Radio Dalam, ke kampusnya Irfan - lalu bedapatlah unda & Irfan, setelah 20 tahun tepisah. Kalo kada salah, tanggal terakhir bedapat pas hari itu jua tgl 18, yang pasti bulannya December 1987. Matan kantor Irfan, sempat calling Harsono, Koko & Diding - janjian bedapat kena malamnya, soalnya waktu unda terbatas isuk sudah harus balik ke Lombok. Harsono cerita ttg sakit pergelangan batisnya - jaka kada inya sudah mendatangi pang, Koko habis begawi rencana datang, jua Diding kalo sudah beres gawian handak bedapat jua. Matan kantor Irfan, kami berdua naik motor ke Kuningan ... Jakarta waktu itu lagi bersahabat ... kada panas wal ay... nyaman banar naik motor .. mana bisa nyelip-nyelip .. jadi matan Radio Dalam ke Kuningan cuma 15 menitan ... wah barang langka di Jakarta kalo bisa selancar itu. Sampai Kuningan terus ke Mall Ambassador, nyari oleh2 gasan anak bini. Kebujuran waktu itu unda & Irfan sama2 lagi puasa, jadi kada pakai acara makan - umma kerongkongan unda karing banar mana malam tadi kada saur, tapi itulah cobaannya. Muyak keliling ITC Kuningan, kami ke Hotel unda di Tebet - ngobrol2 , sempat sholat berjamaah sambil nunggu bubuhan yang lain. Nah, unda ingat di sekitar Kampung Melayu itu ada resto ngarannya Dapur Buntut - ada menu andalannya sup buntut karamel dll yg unik-unik (Tante Irma & Om Indra ... aku mesti dapet komisi nih buat promosiin DBnya he hehe ), jadi unda delivery order aja gasan buka puasa di Hotel bareng Irfan. Delivery-nya sempat telat gara2 extension di kamar ada masalah, dikira kita lagi kada di kamar, yang nganter balik lagi ke restonya. Wah .. terpaksa buka cuma pakai banyu putih ... weleh2 ... harus nunggu lagi antaran berikutnya baru kita bisa makan. Wah sup buntut karamel-nya MAK NYOOSSS ... bisa diulang lagi kena. Agak maleman Koko datang, sempat lawas menunggu ... gara-gara battery HP habis dan extension kamar kada kawa dihubungi. Akhirnya kita bertiga meluncur ... rencananya ke Dapur Buntut lagi, ternyata sudah habis saking larisnya ... yah nyari makan lagi di sekitaran sana, bedapat cafe rumahan ngarannya KEBAB TURKI. Di situ lah kami bertiga reuni kecil lagi, cerita2 nostalgia, gawian deelel. Makasih lah gasan Irfan yang seharian kada bulik ke rumah padahal bininya lagi meeting di Puncak - anak2 sorangan di rumah, jua gasan Koko yang habis begawi langsung mendapati, bulik ke rumah jam 12 malam. Tuntas sudah niat unda mendapati bubuhannya biarpun kada semunyaan tedapat ... next time I'll come again .. to see U all. Kayaknya trend 2007 ini reuninya di Jkt, 2008 kena di manalah ... Samarinda kah ? Wait & see ........

Sorry hanyar diposting, hanyar bulik sholat Ied, banyak tamu ke rumah nyari soto Banjar he he he.

Selamat Idul Adha 2007
Buin Batu Townsite, 20 December 2007


Mohon maaf lahir-bathin

Bravo Jakarta - 4 Dec 2007, Reuni Lagi !!!!!! WAH

Heehhhhhhhhhhhhhhh ... unda kada kawa bari komentar melihat foto-foto di atas, selain acung jempol TWO THUMBS UP, di tengah kesibukan & kemacetan Jakarta yang tak terkata kan ... kekerabatan L'DOCK masih terjaga. Luar biasa !!! Bravo L'DOCK Jakarta.Tapi kalo handak tahu kesahnya, ini pertemuan pertama setelah 20 tahun pisah jua !!!!! (Irfan-Diding-Koko) dan setelah 10 tahun (Irfan bedapat Ade terakhir th 97 pas inya kawin), bujur-bujur belantara Jakarta ini ngalih banar lah ... sekota lho ... saking apanya yo hanyar bedapat pulang setelah puluhan tahun. Tapi Alhamdulillah bisa bedapatan pulang.Hayo - hayo Jakarta sudah 2 kali menggebrak, Samarinda harusnya lebih rancak lagi bedapatan ... rancak kalo lah saking kada dipublikasikan. Cuma unda ini sebatang kara di belantara Sumbawa ini, kalo handak bedapat unda yang harus mendatangi bubuhannya.
Waktu acara semalam, Agung sudah bulik ke Bontang, tinggal Nanang sorang wakil Paser, syukur jua nyawa betinggal Nang ay - bisa bedapat bubuhannya. Unda kada pinandu waktu melihat gambar Diding - bujur2 berubah matan gambar bahari .. Gileeeeeee ( ingat kada .. Diding sukanya ngucapin kata2 ini). Pokoknya memang gileeee ... unda IRI IRI IRI !!!!! Lihat kena, unda pasti ke sana jua mendapati bubuhannya.
Bravo L'DOCK !!!!!!

Reuni Kecil Jakarta, 2 Dec 2007

Jakarta, di hotel Oasis Senen, dilaksanakan sebuah reuni kecil antara L'DOCK Bontang, Paser & Jakarta (Agung, Nanang & Irfan), sungguh sebuah hal yang unik, ketemu setelah 20 tahun pisah. Nanang terakhir ketemu Irfan saat acara perpisahan di rumah Abdi tgl 6 Juni 1987 (tepat saat ultah Agung), sedang Agung (& unda) terakhir ketemu bulan Desember 1987 saat kami jadi 'bonek' ke Jakarta hanya dengan bekal petunjuk rute bis di Novel Lupus yang menyebutkan rute terminal Kalideres di Daan Mogot. Wuahh, katanya dunia ini sempit - kok baru ketemuan lagi setelah 20 tahun ya ??? He he he itulah hidup, yang gampang bisa jadi susah - yang susah bisa jadi kebalikannya.

Awalnya Irfan telepon unda sekitar jam 21:05:09 WITA (atau 20:05:09 waktu JKT) katanya dia lagi ngobrol sama Agung & Nanang. Unda pikir lagi conference di telepon, ternyata ketemuan bujuran wah ... mantap, Koko-Diding& Ade ditelepon bubuhannya tapi rupanya kada kawa hadir (Koko HPnya lagi di silent).. jadi cuma bubuhannya be-3 yang bedapat. Tapi kada papa, mudah2 an ini menjadi awal reuni-reuni selanjut. Unda ngiri lihat foto-foto di atas, soalnya unda sorang terakhir bedapat Irfan 20 tahun yang lalu jua!!! Bisa tesambung lagi gara-gara Friendster-nya UUS (bubuhan Malang pasti tahu UUS ini), waktu itu hampir kada percaya itu Irfan, setelah unda email ternyata bujur. Habis itu terus kontak, sambil meolah blog ini dengan berharap bisa tesambung lawan bubuhan-bubuhan nang lain.
Minggu lalu telp ke rumah Ima di Samarinda, Ima wayah ini di Medan, tapi HPnya belum tahu, jar Pak Gusti kena Ima yang menghubungi unda, sampai wayah ini belum. Mudah2an kekerabatan L'DOCK ini terus lah ......

Town Site, 03 Dec 2007

Foto-Foto kenangan

"Picture paints a thousand words" ujar bubuhannya Fauzi (unda sengaja kada menyambat ngaran suku ... kena urang di luar L'DOCK bisa tesinggung ... jangan-jangan kena jadi masalah SARA, padahal kita begegayaan sesama L'DOCK) . Unda hari Sabtu lalu membongkar-bongkar foto lawas, nah tedapat pulang foto-foto bubuhannya waktu di Malang, ada Nanang, Ian, Wandra. Kemudian waktu nginap di rumah Agung di Wisma Tropodo bahari, tedapat jua foto Wiwid dan Umar Budi (kalo kawal nang ini anak Bio - wayah ini sudah jadi Dokter ...coba cek di http://profiles.friendster.com/18289495 ... bujur kadalah atau lain urang??) Jadi bujur jua bahwa sebuting foto itu bisa beisi banyak kesah. Sama jua waktu unda melihat-lihat lagi Foto dengan bubuhan L'DOCK di Jakarta (Irfan, Rudi,Ade) - waktu itu kesahnya unda lawan Agung nekat tulak ke Jakarta bulan Desember 87, saking kepinginnya melihat Monas ( he he he... dasar anak dusun) padahal kedada duit. Duit di kantong cuma 100 rb-an , ke Jakarta naik kereta api -tiketnya waktu itu kalo kada salah 7 ribu. Umaa ay, kaya naik kereta ayam, mana panas .. mana pengap, kada kawa guring, cuma ngarannya anak kost semunyaan serba pas-pasan ... menjalani derita itu hayu aja .. jar kekanakan wayah in Enjoy aja ha ha , pokoknya kada tebayang penderitaan sepanjang jalan. Waktu sudah sampai di stasiun Gambir, kondisi sudah lusuh kada keruan, semalaman kada karuan guring mana keuyuhan ... tapi pas telihat pucuknya Monas matan Gambir ... umma .. hilang segala derita .. hua ha ha ha ... pokonya kesah-kesah nang kaya ini bujur-bujur manis kalo diingat wayah ini.
Matan Gambir, unda lawan Agung nekat mencari alamat Rudi, waktu itu tujuannya ke terminal Kalideres . Kada membawa peta, mana buta situasi Jakarta ... ikam2 tahu kada referensi yang unda & Agung gasan menjelajah Jakarta??? Modalnya cuma buku novel Lupus!!!! Ha ha ha bujur-bujur nekat, kada kalah kalo lawan BONEK wayah ini.
Nah lain lagi kalo melihat foto di atas, waktu itu kost di Wisma Murdjani, lagi trend nya baca Kho Ping Ho sampai 3 hari 3 malam kada guring , lainnya menggawi tugas pang. Nah pas subuh2 kita kelaparan lalu ay menggoreng sanggar di kamar kawal jua ngarannya Ayi - anak Jakarta, kebujuran kawal ni tajir urangnya dan kada pelit, jadi kamarnya jadi markas. He he jadi ingat Cak Suroto yang jaga Murdjani, ingat jua lawan Pak Jono - bapak kos ... kaya apa kabar urang itu wayah ini lah, mudah-mudahan sehat wal afiat. Makanya unda tagih bubuhannya nang beisi foto2 lawas, kirim ke unda, kena kita share di L'DOCK ini biar bubuhan nang lain bisa melihat jua. Foto keluarga nang hanyar jua kada papa ... unda tunggu nah kirimannya.
Wassalam

Bubuhan yang belum terdata

Bubuhan yang belum ada datanya di kontak list :
Esther Siahaan, Ima, Ario Hendriko (Alo),Atie Subagio, Awi, Daniel buaya, Deni Hartono (email sudah ada), Herbudiman (Akun), Imran, Mujib, Ofir Siprianus, Supriadi, M Sofyanuddin (Ian), Syahri Wanra, Syamsul Komari (Tutun) ... siapa lagi lah ... tolong bubuhan yang beisi jaringan intelegen bisa melacak he he he..

Wassalam

L'DOCK Message Room

Uuy Bubuhan L'DOCK
Ide gasan melampirkan ruang pesan di L'DOCK datang matan pemikiran bahwa banyak kekawalan yang malas kalo harus me-olah account dulu dan kemudian harus login gasan mem-posting pesan atau comment, jadi unda pikirkan semacam papan tulis, dimana bubuhannya bisa langsung menulis di sana dan langsung bisa dibaca bubuhan nang lain - makanya ditambahlah fasilitas shoutmix ini gasan chatting-chattingan bubuhannya. Ternyata cukup efektif memancing bubuhan untuk OnLine. Di-awal diolahnya L'DOCK, tercatat yang pertama membari komentar adalah Nanang dan Faqih, Faqih terus berlanjut sampai hari ini meskipun kadang2 hilang karena sibuk gawian - Nanang nang tenggelam batu. Terakhir unda hubungi - jarnya internet di kantor lagi dibongkar. Kemudian muncul Abdi, Irfan, Agung, Hadi, Hanafi, Anto, Fauzi ,Suharyono, Didink, Wiwid, Wendi, terakhir kemerian Kapten Iwan HS di Trakindo Banjarmasin kontak unda via HP dan email sehabis unda SMS, sempat bebalasan email lawan Abdi jua. Ada di CC ke Deni Hartono, tapi inya cukup membuka email aja kada menanggapi - pahamlah dengan sifat kawal seikung ini - kaya bahari jua, masih supan-supan. Memang kada semunyaan sudah posting pesan di Chat room kita, yang Via SMS, email, Yahoo messenger dan telepon kita ucapkan terima kasih atas kontaknya, berarti sejalan dengan itikad bubuhan yg lain untuk tetap menjaga hubungan dan silaturahmi .. keep in touch nang kaya itu nah. Beberapa kawal memang belum bisa langsung OL ke chatting room karena belum beisi jaringan internet, tapi kalo gasan melihat-lihat bisa diakses via GPRS HP. Ini ada ide lagi gasan mengumpulkan foto keluarga bubuhannya, kena unda upload ke fasilitas slide yang hanyar aja unda lampirkan, jadi bubuhan yang lain tahu jua keluarga L'DOCK. Gasan nang tahu info kekawalan yang belum tercantum di L'DOCK contact list, tolong informasinya - biar kita lengkapi datanya.
Terkahir ... meskipun kita terpisah jarak - ayo kita gunakan teknologi gasan mempererat tali persaudaraan di wadah L'DOCK ini.

Wassalam

Batu Hijau - Sumbawa

Fasilitas Pesan

Salam L'DOCK
Uy bubuhan - wayah ini fasilitas pesan semacam Chatting Room tanpa login sudah unda tambahkan di blog kita ini. Artinya piyan-piyan kada perlu login kalo handak menulis pesan, dan pas saat itu ada nang online jua - bisa langsung balas-balasan pesan. Caranya, pada kolom sebelah kanan ada ruang hanyar yang unda ngarani L'DOCK Message room. Fasilitas ini link ke shoutbox, cara posting pesan adalah :
Pada bagian bawah kolom Message Room ini
- pada box NAME --> masukkan ngaran piyan di box ini, biar tahu siapa yang tulis pesan
- pada kolom http:// --> kosongkan aja kalo piyan kada beisi website sorang
- pada kolom message --> tuliskan apa isi pesan piyan
- Kemudian tekan SHOUT! untuk posting pesan
- Refresh --> gasan meng-update isi pesan baru di box

Fasilitas ini lebih cepat dan fleksible daripada harus me-olah googgle user name lebih dulu, kemudian harus login unutk mem-posting comment, karena dg SHOUTBOX kada perlu login, cukup masukan ngaran dan isi pesan kemudian SHOUT! maka pesan piyan sudah bisa dibaca oleh kekawalan yang lain, pokoknya bisa chatting di kolom ini.

Satu lagi, buat bubuhannya yang beisi email, unda sudah kirim invite untuk menjadi member admin dengan login blogger atau google, sehingga kena bisa membuat posting jua. Contohnya Irfan baru masuk anggota tim blog ini, bisa dilihat pada kolom TENTANG L'DOCK, sekarang sudah ada 2 yaitu L'DOCK Admin unda sorang, seikungnya lagi Irfan sebagai Admin Granted yang bisa jua meolah posting tulisan.

Kekawalan yang beisi HP atau email bubuhan yang belum tercantum di blog, mohon info biar unda bisa update data bubuhan yang lain.
Selamat mencoba-lah, wassalam


Saladin

Respon terus bemunculan

Assalamualaikum,

Respon bubuhannya terus bemunculan - Abdi Miharja di KPC - 2 hari yang lalu kirim SMS usul supaya no HP bubuhannya ditampilkan di blog - sudah julak Abdi - terima kasih atas usul sampiyan , dan baru aja berapa detik yg lalu muncul lagi membalasi email Anto. Ingat kada Anto (Om Dadang bahari - ha ha ha jadi ingat Enny Arrow .. hus) hanyar jua me-email unda, ususl supaya L'DOCK dijadikan parpol gurem he he he ... Kada disangka-sangka seikung-seikung keluar matan sarang .. pokoknya InsyaAllah kita bakal rami lagi tesambung, biarpun tepisah jarak - tapi berkat teknologi ini kitajadi parak. Maaflah bubuhannya, unda meulah plesetan L'DOCK jadi Life&Die is not Only like ChecK in&out ...cuma plesetan aja .. lain jargon resmi pang. Kalo ada nang tahu HP & email bubuhannya yang belum tecantum di list, tolong infokan ke kita-kita biar bisa diupdate.
O ya, tempulu masih dalam bulan Syawal, unda sekeluarga matan Batu Hijau mengucapkan Minal Aidin wal Faizin, mohon maaf Lahir & Bathin

Sekian dulu lah - hayo siapa lagi menyusul


Salam

Akhirnya ... Datang jua Feedback Bubuhannya

Syukur Alhamdulillah,
Setelah launching ( uma ay .. bagus banar istilahnya) tgl 27 October - sudah ada kekawalan yang menyampaikan feedback baik itu berupa posting comment maupun via SMS. Nah ini yang kita harapkan gasan pengembangan wadah ini. Blog ini masih sangat sederhana ... belum ada fasilitas canggih apapun kecuali posting comment, kedepannya akan kita kembangkan dan lengkapi dengan fasilitas lain termasuk link-link ke source yang bermanfaat. Gasan bubuhan yang posting comment, diharapkan minimal mencantumkan no. hp dan email, kalo bisa selengkap-lengkapnya lebih baik lagi. Jadi nang membari feedback ini sekaligus mengumpulkan data-data pribadi . Sebagai informasi, fasilitas friendster jua bisa digunakan untuk sambung silaturahmi - unda tesambung lagi dengan Irfan (ingatkah si Iir yang bahari pacaran lawan Ima anak Pak Gusti itu ... he he he ..) - nah bayangkan senangnya bedapat kawal lawas lewat internet, tepisah mulai Desember 1987 , tesambung lagi bulan Juni 2007. FriendSter Irfan bisa di klik di http://profiles.friendster.com/15750619 - HPnya 08129959351, emailnya irfansasa@yahoo.com .
Mungkin format untuk kekawalan nang posting bisa kaya ini :

SALADIN
saladin@newmont.com / sala1767@gmail.com
Hp : 08175749295
Alamat :
PT.Newmont Nusa Tenggara
Apartment Lr. Jati 340D
Buin Batu Townsite - Sumbawa
http://profiles.friendster.com/ad1n

Pokoknya kalo sudah bisa posting minimal sudah beisi email, makanya data minimal yang harus dicantumkan adalah nomor HP dan email. Mudah-mudahan kekawalan yang lain bisa segera ONLINE jua biar bisa nimbrung, kalo belum bisa - minimal simpan nomor HP bubuhan yang lain.

Sekian dulu lah, tolong sebarkan ke kawalan/bubuhan/dingsanak nang belum tahu adanya blog ini, LET'S GO ONLINE to GATHER TOGETHER,
Wassalam


Saladin